ఓరుగల్లు9 నేషనల్ టీవీ నిర్మల్ జిల్లా ప్రతినిధి, ఆగస్టు 17:
నర్సాపూర్ (జి) మండలంలోని జిల్లా పరిషత్ ఉన్నత ప్రభుత్వ పాఠశాల తెలుగు మీడియంలో విద్యార్థులు ముందస్తు రక్షాబంధన్ నిర్వహించారు. ప్రధానోపాధ్యాయులు ఎం కిషన్ రావు మాట్లాడుతూ విద్యార్థులు అందరూ కూడా సోదర భావంతో మెలిగి సమాజానికి తమ వంతు బాధ్యతలు నిర్వహించాలని కోరారు. రాఖీ పౌర్ణమి పురస్కరించుకొని శనివారం సాయంత్రం నర్సాపూర్ (జి) మండల కేంద్రంతో పాటు పలు గ్రామాలలో ఉన్న ప్రభుత్వ పాఠశాలల్లో చదువుకుంటున్న విద్యార్థులకు విద్యార్థినిలు రాఖీలు కట్టి శుభాకాంక్షలు తెలుపుకున్నారు. అక్క తమ్ముళ్లు, అన్నా చెల్లెళ్ల అనుబంధానికి రక్షాబంధన్ ప్రతిరూపంగా ఉంటుందని. ఈ పండగ అనురాగం ఆప్యాయతలను ప్రత్యేకమని రక్షాబంధన్ విశిష్టతను ఆయా పాఠశాలల ఉపాధ్యాయులు విద్యార్థులకు తెలియజేశారు.ఈ కార్యక్రమంలో హెచ్ఎంలు, ఉపాధ్యాయులు ఉన్నారు.
