ఓరుగల్లు9 నేషనల్ టీవీ నిర్మల్ జిల్లా ప్రతినిధి, సెప్టెంబర్ 13 :
నర్సాపూర్ జి మండలంలోని గొల్లమడ గ్రామానికి చెందిన పలువురు బీఆర్ఎస్ నాయకులను, కార్యకర్తలను పోలీసులు ముందస్తు అరెస్టు చేశారు. హైదరాబాద్లో మాజీ మంత్రి హరీశ్ రావుతో పాటు పలువురిని అరెస్టు చేసిన నేపథ్యంలో బీఆర్ఎస్ అధిష్ఠానం ఛలో హైదరాబాద్ కు పిలుపునిచ్చింది. దీంతో బీఆర్ఎస్ నాయకులు హైదరాబాద్ కు వెళ్లకుండా ముందు జాగ్రత్త చర్యగా శుక్రవారం ఉదయం వారిని అరెస్టు చేసి పోలీస్ స్టేషన్ కు తరలించారు. అరెస్ట్ అయిన వారిలో కే భాస్కర్ మాజీ పిఎస్సిఎస్ చైర్మన్, ఎన్ రమేష్, కె రమేష్, కె రాజా గౌడ్ ,జి పోశెట్టి లు ఉన్నారు.
