యువతి అదృశ్యం, కేసు నమోదు

ఓరుగల్లు9 నేషనల్ టీవీ నిర్మల్ జిల్లా ప్రతినిధి, ఆగస్టు 3:

నర్సాపూర్ (జి) మండలం తురాటి గ్రామంలో యువతి అదృశ్యం అయినట్లు ఎస్సై హనుమండ్లు తెలిపారు. గ్రామానికి చెందిన అశ్విని అనే యువతి శుక్రవారం మధ్యాహ్నం ఇంటి నుంచి బయటకు వెళ్లి తిరిగి రాలేదు. కుటుంబ సభ్యులు గాలించిన ఆచూకీ లభించకపోవడంతో శనివారం స్థానిక పోలీస్ స్టేషన్ లో యువతి తండ్రి రాము ఫిర్యాదు చేశారు. ఈ మేరకు అదృశ్యం కేసు నమోదు చేసినట్లు ఎస్సై పేర్కొన్నారు.