కొత్తపల్లిలో అంతరాష్ట్ర వృషభాల బల ప్రదర్శన పోటీలు ప్రారంభం-హాజరైన అయిజ సింగిల్ విండో మాజీ అధ్యక్షులు సంకాపురం రాముడు ఓరుగల్లు9నేషనల్ టీవీ

జోగులాంబ గద్వాల జిల్లా ఓరుగల్లు9నేషనల్ టీవీ ప్రతినిధి:- జోగులాంబ గద్వాల జిల్లా, అయిజ మండలంలోని కొత్తపల్లి గ్రామంలో వరాహ ఆంజనేయ స్వామి జాతర సందర్భంగా అంతరాష్ట్ర న్యూ కేటగిరీ విభాగంలో వృషభ రాజముల బల ప్రదర్శన పోటీలను నిర్వహించారు. ఈ పోటీలకు అయిజ మండల సింగిల్ విండో మాజీ అధ్యక్షులు సంకాపురం రాముడు హాజరై ప్రారంభించారు. ఈ పోటీల్లో గెలుపొందిన వృషభ రాజముల యజమానులకు సంకాపురం రాముడు మొదటి బహుమతిగా రూ. 40వేలు అందజేయనున్నట్లు ప్రకటించారు. ఈ సందర్భంగా పోటీల నిర్వాహకులు రాముడిని శాలూవా, పూలమాలలతో సత్కరించారు. ఈ కార్యక్రమంలో గ్రామ సర్పంచు, ఉప సర్పంచ్, ఎంపీటీసీ, వివిధ గ్రామాల సర్పంచులు, ఎంపీటీసీలు, ఉపసర్పంచులు, సింగిల్ విండో డైరెక్టర్లు, మాజీ ప్రజా ప్రతినిధులు, రాముడన్న సైన్యం సభ్యులు, గ్రామ ప్రజలు తదితరులు పాల్గొన్నారు.