ఓరుగల్లు9నేషనల్ టీవీ ప్రతినిధి :మహిళలపై వరంగల్ జెడ్పీ చైర్ పర్సన్ గండ్ర జ్యోతి మండిపడ్డారు. శాయంపేట మండలంలో బతుకమ్మ చీరల పంపణి కార్యక్రమంలో గండ్ర జ్యోతి ఆగ్రహం వ్యక్తం చేశారు. చీరలు నాసిరకంగా ఉన్నాయన్న మహిళలపై గండ్ర జ్యోతి సీరియస్ అయ్యారు. ఇష్టం ఉంటే కట్టుకోండి… లేకపోతే పక్కకు పెట్టండి అని చెప్పారు. చీరల విషయంలో ఆడవాళ్లను మెప్పియాలంటే ఎవరి వల్లా కాదన్నారు. ఈ రోజుల్లో తల్లిదండ్రులకు బుక్కెడు అన్నం పెడుతలేరు గానీ.. కేసీఆర్ ప్రేమతో చీరలు ఇస్తే ఇన్ని వంకలు పెడుతారా..? అని ఆగ్రహం వ్యక్తం చేశారు.
గండ్ర జ్యోతి చేసిన వ్యాఖ్యలు సోషల్ మీడియాలో వైరల్ గా మారాయి. చీరలు బాగోలేవని అన్నందుకు ఇలా సీరియస్ అవుతారా…? అని ప్రశ్నిస్తున్నారు పలువురు మహిళలు.
